Via Crucis a Wigratzbad (Germania)

Foto dal Blog del Seminario Internazionale "San Pietro" a Wigratzbad" (Germania).

Stabat Mater dolorosa

iuxta crucem lacrimosa,
dum pendebat Filius.
Cuius animam gementem,
contrístatam et dolentem,
pertransivit gladius.
O quam tristis et afflicta
fuit illa benedicta
Mater Unigeniti!
Quae moerebat et dolebat
Pia Mater, dum videbat
Nati poenas incliti.
Quis est homo qui non fleret,
Matrem Chisti si videret
in tanto supplicio?
Quis non posset contristari,
Christi Matrem contemplari
dolentem cum Filio?
Pro peccatis suae gentis
vidit Iesum in tormentis
et flagellis subditum.
Vidit suum dulcem Natum,
moriendo desolatum,
dum emísit spiritum.
Eia, Mater, fons amoris,
me sentire vim doloris
fac, ut tecum lugeam.
Fac ut ardeat cor meum
in amando Christum Deum,
ut sibi complaceam.
Sancta Mater, istud agas,
crucifixi fige plagas
cordi meo valide.
Tui nati vulnerati,
tam dignati pro me pati,
poenas mecum divide.
Fac me tecum pie flere,
crucifixo condolere,
donec ego vixero.
Iuxta Crucem tecum stare,
et me tibi socíare
in planctu desidero.
Quando corpus morietur,
fac ut animae donetur
paradisi gloria.
Amen.